మెగాస్టార్ చిరంజీవి హీరోగా ప్రస్తుతం యువ దర్శకుడు మల్లిడి వశిష్ట దర్శకత్వంలో తెరకెక్కుతున్న సోషియో ఫాంటసీ ఎంటర్టైనర్ మూవీ విశ్వంభర. ఈ మూవీలో భీమవరం దొరబాబు పాత్రలో మెగాస్టార్ నటిస్తుండగా బాలీవుడ్ నటుడు కునాల్ కపూర్ విలన్ పాత్ర చేస్తున్నారు. 

ఎం ఎం కీరవాణి సంగీతం సమకూరుస్తున్న ఈ మూవీని యువి క్రియేషన్స్ సంస్థ గ్రాండ్ గా నిర్మిస్తోంది. ప్రారంభం నాటి నుండి మెగా ఫ్యాన్స్ తో పాటు నార్మల్ ఆడియన్స్ లో కూడా భారీ స్థాయి క్రేజ్ కలిగిన విశ్వంభర మూవీ షూటింగ్ ప్రస్తుతం శరవేగంగా జరుగుతోంది. 

కాగా లేటెస్ట్ అప్ డేట్ ప్రకారం ఈ మూవీ నుండి ఒక కీలక సాంగ్ యొక్క షూట్ ఇప్పుడు జరుగుతోండగా తాజాగా చిరంజీవి పాల్గొంటున్నారు. ఆకట్టుకునే కథ, కథనాలతో రూపొందుతున్న ఈ మూవీ మే 9 న విడుదల కానుండగా కీలక పాత్రల్లో ఆషిక రంగనాథ్, ఈషా చావ్లా, ఆశ్రిత, రమ్య పసుపులేటి నటిస్తున్నారు. తొలిసారిగా తన అభిమాన మెగాస్టార్ తో చేస్తున్న మూవీ కావడంతో అన్ని మాస్ కమర్షియల్ ఎమోషనల్ ఎంటర్టైన్మెంట్ అంశాలను మిళితం చేస్తూ దర్శకుడు వశిష్ట దీనిని అద్భుతంగా తెరకెక్కిస్తున్నట్లు చెప్తోంది టీమ్.

మంచు విష్ణు హీరోగా ముకేశ్ కుమార్ సింగ్ దర్శకత్వంలో తెరకెక్కుతున్న లేటెస్ట్ మైథలాజికల్ యాక్షన్ డ్రామా ఎంటర్టైనర్ మూవీ కన్నప్ప. ఈ మూవీలో శరత్ కుమార్, మోహన్ లాల్, ముకేశ్ ఋషి, మోహన్ బాబు, బ్రహ్మానందం, ప్రభాస్, కాజల్ అగర్వాల్, అక్షయ్ కుమార్ తదితరులు నటిస్తున్నారు. 

ఇప్పటికే ఆల్మోస్ట్ షూటింగ్ చివరి దశకు చేరుకున్న ఈ మూవీ ఏప్రిల్ 25న గ్రాండ్ గా ఆడియన్స్ ముందుకి రానుంది. ఇటీవల కన్నప్ప నుండి రిలీజ్ అయిన ఫస్ట్ లుక్ టీజర్, పాత్రధారుల యొక్క ఫస్ట్ లుక్ పోస్టర్స్ అందరినీ ఆకట్టుకుని మూవీ పై మంచి అంచనాలు ఏర్పరిచాయి. ఇక నిన్న ఈ మూవీ నుండి శివ శివ శంకర అనే పల్లవితో సాగే ఫస్ట్ సాంగ్ ని రిలీజ్ చేసారు. రామజోగయ్య శాస్త్రి రచించిన ఈ సాంగ్ ని విజయ్ ప్రకాష్ అద్భుతంగా ఆలపించారు. 

ఆకట్టుకునే లిరిక్స్ తో పాటు ట్యూన్ తో ఈ సాంగ్ ప్రస్తుతం శ్రోతలను విశేషంగా ఆకట్టుకుంటూ 6 మిలియన్ కి పైగా వ్యూస్ తో కొనసాగుతోంది. త్వరలో మూవీ నుండి సెకండ్ సాంగ్ రిలీజ్ చేసేందుకు మేకర్స్ సన్నాహాలు చేస్తున్నారు. మరి రిలీజ్ అనంతరం కన్నప్ప ఎంతమేర ఆకట్టుకుంటుందో చూడాలి. 

యువ సామ్రాట్ నాగచైతన్య అక్కినేని హీరోగా సాయి పల్లవి హీరోయిన్ గా యువ దర్శకుడు చందూ మొండేటి దర్శకత్వంలో తెరకెక్కిన లేటెస్ట్ లవ్ యాక్షన్ ఎమోషనల్ ఎంటర్టైనర్ మూవీ తండేల్. ఈ మూవీ మొదటి నుండి మంచి అంచనాలు ఏర్పరిచి ఇటీవల ఆడియన్స్ ముందుకి వచ్చింది. 

దేవిశ్రీప్రసాద్ సంగీతం సమకూర్చిన ఈ మూవీని గీత ఆర్ట్స్ బ్యానర్ పై బన్నీ వాసు నిర్మించారు. ఫస్ట్ డే ఫస్ట్ షో నుండే పాజిటివ్ టాక్ సొంతం చేసుకున్న తండేల్ మూవీ ప్రస్తుతం చాలా ఏరియాల్లో మంచి కలెక్షన్ తో కొనసాగుతోంది. మొత్తంగా గడచిన ఐదు రోజుల్లో ఈ మూవీ రూ. 65 కోట్ల గ్రాస్ ని అలానే రూ. 37 కోట్ల షేర్ ని సొంతం చేసుకుంది. 

టోటల్ గా ఈ మూవీ యొక్క బ్రేకీవెన్ రూ.40 కోట్లు కాగా, మరొక రెండు రోజుల్లో ఈ మూవీ ఆ ఫీట్ ని అందుకునే అవకాశం గట్టిగా కనపడుతోంది. దీనిని బట్టి మొదటి వారంలోనే తండేల్ బ్రేకీవెన్ అందుకోనున్నదన్నమాట. కాగా ఈ మూవీ చైతన్య కు రూ. 100 కోట్ల గ్రాస్ మూవీ అవుతుందని అక్కినేని ఫ్యాన్స్ భావిస్తున్నారు. 

సెకండ్ వీక్ కూడా బాగానే రన్ ఉంటె తప్పకుండా ఆ ఫీట్ కూడా చేరుకునే అవకాశం లేకపోలేదు. ఇక ఈ మూవీలో రాజు గా చైతన్య, సత్య గా సాయి పల్లవి ల సూపర్ పెర్ఫార్మన్స్ కి అందరి నుండి మంచి ప్రసంశలు లభిస్తున్నాయి. 

నాచురల్ స్టార్ నాని ఇటీవల సరిపోదా శనివారం మూవీ ద్వారా ఆడియన్స్ ముందుకి వచ్చి మంచి విజయం సొంతం చేసుకున్నారు. ప్రియాంక మోహన్ హీరోయిన్ గా నటించిన ఈ మూవీని వివేక్ ఆత్రేయ తెరకెక్కించారు. 

తాజాగా నాని హీరోగా శ్రీకాంత్ ఓదెల దర్శకత్వంలో సుధాకర్ చెరుకూరి నిర్మాతగా త్వరలో సెట్స్ మీదకు వెళ్లనున్న మూవీ ది పారడైజ్. గతంలో వీరి కాంబినేషన్ లో వచ్చిన పాన్ ఇండియన్ మూవీ దసరా అందరినీ ఆకట్టుకుని మంచి విజయం సొంతం చేసుకున్న విషయం తెలిసిందే. 

ఈ మూవీకి అనిరుద్ సంగీతం సమకూర్చనుండగా మూవీ యొక్క ఫస్ట్ గ్లింప్స్ ని ఈ వారాంతంలో రిలీజ్ చేసేందుకు మేకర్స్ సన్నాహాలు చేస్తున్నట్లు తెలుస్తోంది . ఇప్పటికే మరోవైపు ఈ మూవీకి సంబంధించి ప్రీ రిలీజ్ బిజినెస్ అంతా కూడా క్లోజ్ అయింది. 

నాని ఒక పవర్ఫుల్ పాత్రలో కనిపించనున్న ఈ మూవీ నాని ఫ్యాన్స్ తో పాటు నార్మల్ ఆడియన్స్ లో కూడా బాగానే అంచనాలు ఉన్నాయి. ప్రస్తుతం ప్రీ ప్రొడక్షన్ వర్క్ వేగంగా జరుపుకుంటున్న ఈ మూవీ యొక్క ఫస్ట్ షెడ్యూల్ మార్చి మొదటివారంలో కనపడుతోంది. తీవ్రాలో ఈ క్రేజీ మూవీ గురించిన మరిన్ని వివరాలు పూర్తిగా వెల్లడి కానున్నాయి. 

మెగాస్టార్ చిరంజీవి తాజాగా బ్రహ్మానందం మరియు ఆయన తనయుడు రాజా గౌతమ్ ప్రధాన పాత్రలు చేస్తున్న బ్రహ్మ ఆనందం మూవీ యొక్క ప్రీ రిలీజ్ ఈవెంట్ కి నిన్న ప్రత్యేక అతిధిగా విచ్చేసారు మెగాస్టార్ చిరంజీవి.

ఈ సందర్భంగా మెగాస్టార్ చిరంజీవి చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. ముఖ్యంగా నేషనల్ మీడియాని సైతం ఊపేస్తున్నాయి. ఇక చిరంజీవి తన తాతయ్య గురించి మాట్లాడుతూ, ఆయన మంచి రసికుడని అన్నారు.

అలానే ఆయనకు ఒకరిద్దరు కాదు ముగ్గురు నలుగురు భార్యలున్నట్లు చెప్పారు మెగాస్టార్. ఇక తమ ఇల్లు మొత్తం లేడీస్ హాస్టల్ మాదిరిగా ఉందని, చరణ్ కి కూడా ఇటీవల అమ్మాయి పుట్టడంతో తదుపరి చరణ్, ఉపాసన దంపతులని అబ్బాయి కావాలని కోరానని, అప్పుడే మన వంశం నిలబడుతుందని చెప్పినట్లు తెలిపారు.

మొత్తంగా చిరంజీవి చేసిన ఈ వ్యాఖ్యల పై పలువురు విమర్శలు ఎక్కుపెడుతున్నారు. ఈ సమాజంలో మగ అయితే ఏంటి ఆడ అయితే ఏంటి, ఇద్దరూ సమానమే కదా, చిరంజీవి వంటి ఉన్నత స్థాయి వ్యక్తి ఇలా మాట్లాడడం సరికాదనేది కొందరి వాదన.

మరోవైపు మెగాస్టార్ చేసిన ఈ వ్యాఖ్యల పై  బహిరంగంగానే విమర్శలు చేస్తూ ట్రోల్స్ చేస్తున్నారు. మొత్తంగా అయితే మెగాస్టార్ చిరంజీవి చేసిన ఈ వ్యాఖ్యల అంశం ఇక పై ఏవిధమైన మలుపులు తిరుగుతుందో చూడాలి.

మెగాస్టార్ చిరంజీవి ప్రస్తుతం యువ దర్శకుడు మల్లిడి వశిష్ట దర్శకత్వంలో విశ్వంభర మూవీ చేస్తున్నారు. ఈ మూవీలో త్రిష హీరోయిన్ గా నటిస్తుండగా ఎం ఎం కీరవాణి సంగీతం సమకూరుస్తున్నారు. యువి క్రియేషన్స్ సంస్థ గ్రాండ్ గా నిర్మిస్తున్న ఈ మూవీ ఇప్పటికే చాలావరకు షూటింగ్ జరుపుకుంది. 

అయితే ఇటీవల పలు చిన్న సినిమాల యొక్క ప్రీ రిలీజ్ ఈవెంట్స్ కి వెళ్లి తనవంతుగా వాటికి ప్రమోషన్ చేస్తూ బాసటగా నిలుస్తున్నారు మెగాస్టార్. రెండు రోజుల క్రితం విశ్వక్సేన్ లైలా మూవీ ఈవెంట్ కి వెళ్లి టీమ్ కి శుభాభినందనలు తెలిపారు. నాటి ప్రజారాజ్యమే నేడు జనసేన గా రూపాంతరం చెందిందని అన్నారు. 

ఇక నిన్న బ్రహ్మ ఆనందం మూవీ ఈవెంట్ లో భాగంగా చిరంజీవి మాట్లాడుతూ, ఇకపై పూర్తిగా తన లైఫ్ సినిమాలకే అంకితం అని అన్నారు. అలానే రాజకీయాలు ఇక కళ్యాణ్ బాబు చూసుకుంటాడు, తన జనసేన పార్టీ తరపున అతడు రాజకీయంగా పోరాడతాడని అన్నారు. అప్పట్లో రాజకీయాల్లోకి వెళ్లకుండా ఉండాల్సింది అని, ఆ సమయంలో ప్రశాంతత లేక హాయిగా నవ్వుకోలేకపోయిన సందర్భాలు చాలా ఉన్నాయని, ఆ విషయం తన సతీమణి సురేఖ కూడా అప్పట్లో తనతో అనేవారని అన్నారు. 

అందుకే ఖైదీ నెంబర్ 150 మూవీ తరువాత ఇకపై సినిమాల్లోనే ఉండాలని భావించానన్నారు. ప్రస్తుతం వస్తున్న యువ దర్శకులతో వర్క్ చేయాలని ఉందని, అనిల్ రావిపూడితో మూవీ సమ్మర్ లో మొదలవుతుందని తెలిపారు మెగాస్టార్.