​టాలీవుడ్ సినిమా పరిశ్రమలో ఎన్నో ఏళ్లుగా కమెడియన్ గా మంచి క్రేజ్ తో కొనసాగుతున్న నటుల్లో 30 ఇయర్స్ పృథ్వీ ఒకరు. అలానే సినిమాల్లో తనకంటూ ఒక ప్రత్యేక కామెడీ స్టైల్ ని కలిగి ఉన్న పృథ్వీ ఇటీవల వైసిపి నుండి పవన్ కళ్యాణ్ జనసేన పార్టీలో చేరిన విషయం తెలిసిందే. 

అప్పటి నుండి ఆ పార్టీలో చురుకుగా వ్యవహరిస్తున్న పృథ్వీ తాజాగా ఒక ఈవెంట్ లో వైసిపి పార్టీ పై పరోక్షంగా చేసిన వ్యాఖ్యలు తీవ్ర దుమారాన్ని రేపిన విషయం తెలిసిందే. విషయంలోకి వెళ్తే విశ్వక్సేన్ హీరోగా లైలా మూవీ యొక్క ప్రీ రిలీజ్ ఈవెంట్ ఇటీవల గ్రాండ్ గా జరిగింది. 

మెగాస్టార్ చిరంజీవి చీఫ్ గెస్ట్ గా విచ్చేసిన ఈ వేడుకలో 150 మరియు 11 మేకలు అంటూ పృథ్వీ వ్యాఖ్యలు చేయడంతో ఒక్కసారిగా వైసిపి వారి నుండి వ్యతిరేకత వ్యక్త,మైంది. దానితో పలువురు ఆ పార్టీ వారు పృథ్వీ వ్యాఖ్యలను తప్పుబట్టారు. అనంతరం తనకు పలు బెదిరింపు ఫోన్ కాల్స్ వస్తుండడంతో అనార్యోగం కారణంగా ఆసుపత్రిలో చేరిన పృథ్వీ తాజాగా ఆ ఘటన పై ఫైనల్ గా క్షమాపణలు చెప్పారు. 

నాకు ఎవ్వరి మీద ద్వేషం లేదు నా వల్ల సినిమా దెబ్బతిన కూడదు అందరికీ క్షమాపణలు చెపుతున్నాను. బాయ్ కాట్ లైలా అనకుండా వెల్కమ్ లైలా అని అనండి. అలానే  ​ఫలక్ నామాదాస్ కంటే లైలా పెద్ద హిట్ కావాలి, యువ నటుడు విశ్వక్ రాబోయే రోజుల్లో మరిన్ని విజయాలు అందుకోవాలని కోరుకుంటున్నట్లు ఒక వీడియో బైట్ ద్వారా తెలిపారు. 

టాలీవుడ్ స్టార్ హీరోల్లో ఒకరైన మెగాస్టార్ చిరంజీవి నటుడిగా కెరీర్ బిగినింగ్ నుండి ఒక్కో సినిమాతో కష్టపడి పైకి ఎదిగిన విషయం తెలిసిందే. ఎన్టీఆర్, ఏఎన్నార్, కృష్ణ, శోభన్ బాబు, కృష్ణంరాజు ల తరువాత వచ్చిన నలుగురు నటుల్లో మెగాస్టార్ చిరంజీవి తిరుగులేని సక్సెస్ లు అలానే ఎంతో క్రేజ్ తో నెంబర్ వన్ గా దూసుకెళ్ళారు. 

ఆ తరువాత తరం వచ్చినప్పటికీ కూడా ఆయన క్రేజ్ ఏమాత్రం తగ్గలేదు. అయితే మెగాస్టార్ చిరంజీవి కేవలం నటుడిగానే కాదు మనసులోనూ గొప్ప వ్యక్తే అనేది గతంలో కూడా పలు సంఘటనలతో రుజువయింది. 

తన కెరీర్ లో పలువురు నటులకి సాయం అందించిన మెగాస్టార్ తాజాగా యువనటి ఊర్వశి రౌటేలా తల్లికి కూడా సాయం అందించారు. తాజాగా ఒక మీడియా ఇంటర్వ్యూలో భాగంగా ఊర్వశి మాట్లాడుతూ, తన తల్లికి ఇటీవల కొన్నాళ్లుగా అనారోగ్యం కారణంగా కోల్కతా లోని ఒక ఆసుపత్రిలో చేర్పించామన్నారు. 

అయినప్పటికీ ఆమె ఆరోగ్యం కుదుటపడలేదని, అదే సమయంలో మెగాస్టార్ ని సాయం కోరగా ఆయన మంచి మనసుతో ఆ ఆసుపత్రి వారితో మాట్లాడి తన తల్లికి వైద్యం చేయించారని అన్నారు. అలానే తరచు తన తల్లి ఆరోగ్యం గురించి ఆయన వాకబు చేస్తూనే ఉన్నారని, ఆ విధంగా అయన రీల్ పైనే కాదు రియల్ లైఫ్ లో కూడా మెగాస్టారే అని ఆమె కామెంట్ చేసారు. 

టాలీవుడ్ సంచలన దర్శకుడు రామ్ గోపాల్ వర్మ ఏది మాట్లాడినా ఏ పని చేసినా ఒకింత సంచలనం  అనే చెప్పాలి. ఎన్నో ఏళ్ళ క్రితం టాలీవుడ్ లో పలు అద్భుతమైన సినిమాలు చేసిన వర్మ. అటు బాలీవుడ్ లో కూడా దర్శకుడిగా మంచి క్రేజ్ ని సక్సెస్ లని సొంతం చేసుకున్నారు. 

అయితే ఇటీవల కొన్నేళ్లుగా వర్మ తీస్తున్న సినిమాలు వరుసగా బాక్సాఫీస్ వద్ద పరాజయం పాలవుతున్నాయి. కొద్దిరోజుల క్రితం సత్య మూవీ రీ రిలీజ్ సందర్భంగా ఒకింత ఎమోషనల్ నోట్ రిలీజ్ చేసిన వర్మ, ఇకపై మంచి కం బ్యాక్ ఇచ్చేందుకు సిద్దమవుతున్నట్లు తెలిపారు. 

అయితే విషయం ఏమిటంటే, తాజాగా ఒక మీడియా ఇంటర్వ్యూలో భాగంగా రామ్ గోపాల్ వర్మ మాట్లాడుతూ కోలీవుడ్ స్టార్ నటుల్లో ఒకరైన సూపర్ స్టార్ రజినీకాంత్ కేవలం స్లో మోషన్ సీన్స్ వల్లనే ఇండస్ట్రీలో క్రేజ్ సంపాదించారని కామెంట్ చేశారు. 

కాగా వర్మ చేసిన కామెంట్స్ పై ప్రస్తుతం కోలీవుడ్ తో పాటు అన్ని భాషల్లోని తలైవా ఫ్యాన్స్ అందరూ సోషల్ మీడియాలో ఆయన పై విమర్శలు చేస్తున్నారు. నిజానికి తన మార్క్ క్రేజ్, స్టైల్, మ్యానరిజమ్స్, డైలాగ్స్ తో మొదటి నుండి తనకంటూ ప్రత్యేకత సంతరించుకుని అన్ని వర్గాలు అనేక దేశాల ఆడియన్స్ లో ఎంతో గొప్ప పేరు అందుకున్నారు రజినీకాంత్. 

అటువంటి సూపర్ స్టార్ ని వర్మ ఈ విధంగా టార్గెట్ చేస్తూ వర్మ నెగటివ్ కామెంట్స్ చేయడం సమంజసం కాదని అంటున్నారు పలువురు ఫ్యాన్స్, ఆడియన్స్. మరి వర్మ వ్యాఖ్యలు రాబోయే రోజుల్లో ఇంకెన్ని వివాదాలకు దారి తీస్తుందో చూడాలి.

టాలీవుడ్ యువ నటుడు నితిన్ ఇటీవల వక్కంతం వంశీ తెరకెక్కించిన ఎక్స్ ట్రా ఆర్డినరీ మ్యాన్ మూవీ ద్వారా ఆడియన్స్ ముందుకి వచ్చారు. అయితే ఆ మూవీ ఆడియన్స్ ని అర్చనలు అందుకోలేక బాక్సాఫీస్ వద్ద పరాజయం పాలయింది. 

ప్రస్తుతం వేణు శ్రీరామ్ దర్శకత్వంలో తమ్ముడు మూవీతో పాటు వెంకీ కుడుముల తో రాబిన్ హుడ్ మూవీస్ చేస్తున్నారు. ఈ రెండు క్రేజీ ప్రాజక్ట్స్ పై అందరిలో మంచి అంచనాలు ఉన్నాయి. కాగా వీటిలో ముందుగా రాబిన్ హుడ్ మూవీ మార్చి 28న గ్రాండ్ రిలీజ్ కి రెడీ అవుతోంది. అందాల యువ కథానాయిక శ్రీలీల హీరోయిన్ గా నటిస్తున్న ఈ మూవీని మైత్రి మూవీ మేకర్స్ వారు నిర్మిస్తుండగా జివి ప్రకాష్ సంగీతం సమకూరుస్తున్నారు. 

ఇక తమ్ముడు మూవీలో లయ ఒక కీలక పాత్ర చేస్తుండగా సప్తమి గౌడ హీరోయిన్ గా నటిస్తున్నారు. దిల్ రాజు నిర్మిస్తున్న ఈ మూవీని మే 9న రిలీజ్ చేయనున్నారు. మ్యాటర్ ఏమిటంటే, రాబిన్ హుడ్ రిలీజ్ రోజైన మార్చి 28న పవన్ కళ్యాణ్ హరిహర వీరమల్లు, అలానే తమ్ముడు రిలీజ్ రోజైన మే 9న మెగాస్టార్ విశ్వంభర ని రిలీజ్ చేయనున్నట్లు ఆ రెండు సినిమాల మూవీ మేకర్స్ అనౌన్స్ చేసారు. 

ఈ విధంగా మెగా బ్రదర్స్ ఇద్దరి రిలీజ్ డేట్స్ ని నితిన్ టార్గెట్ చేసినట్లు తెలుస్తోంది. అయితే ఇది కావాలని టార్గెట్ చేసింది కాదని, రాబోయే రోజుల్లో ఆయా సినిమాల రిలీజ్ డేట్స్ లో మార్పు ఉండే అవకాశం లేకపోలేదని అంటున్నాయి సినీ వర్గాలు.

టాలీవుడ్ యువ నటుడు నితిన్ హీరోగా శ్రీలీల హీరోయిన్ గా వెంకీ కుడుముల దర్శకత్వంలో తెరకెక్కుతున్న లేటెస్ట్ యాక్షన్ ఎంటర్టైనర్ మూవీ రాబిన్ హుడ్. ఈ మూవీని మైత్రి మూవీ మేకర్స్ వారు గ్రాండ్ లెవెల్లో నిర్మిస్తుండగా జివి ప్రకాష్ కుమార్ సంగీతం సమకూరుస్తున్నారు. 

గతంలో వెంకీ, నితిన్ కలిసి చేసిన బీష్మ మూవీ సక్సెస్ సాధించడంతో రాబిన్ హుడ్ పై అందరిలో బాగా అంచనాలు ఏర్పడ్డాయి. అలానే ఇటీవల రాబిన్ హుడ్ నుండి రిలీజ్ చేసిన ఫస్ట్ లుక్ టీజర్, ఫస్ట్ సాంగ్ అందరి నుండి మంచి రెస్పాన్స్ సొంతం చేసుకుని అంచనాలు మరింతగా పెంచేసాయి. 

కాగా ఈ మూవీ నుండి వేర్ ఎవర్ యు గో అనే పల్లవితో సాగె సెకండ్ సాంగ్ ని రేపు సాయంత్రం 6 గం. 3 ని. లకు టాలీవుడ్ సూపర్ స్టార్ మహేష్ బాబు రిలీజ్ చేయనున్నారని టీం కొద్దిసేపటి క్రితం తమ సోషల్ మీడియా ప్రొఫైల్స్ ద్వారా ప్రకటించింది. 

ఈ మూవీలో నితిన్ ఒక దొంగ పాత్రలో కనిపించనుండగా ఎంటర్టైన్మెంట్ తో పాటు యాక్షన్ అంశాలు తమ మూవీలో ఆకట్టుకుంటాయని రాబిన్ హుడ్ టీమ్ అంటోంది. అన్ని కార్యక్రమాలు ముగించి ఈ మూవీని మార్చి 28న గ్రాండ్ గా ఆడియన్స్ ముందుకి తీసుకురానున్నారు.