కోలీవుడ్ నటుడు ప్రదీప్ రంగనాథన్ హీరోగా యువ దర్శకుడు అశ్వత్ మారిముత్తు దర్శకత్వంలో తెరకెక్కిన తాజా సినిమా డ్రాగన్. ఈ మూవీ తెలుగులో రిటర్న్ ఆఫ్ ద డ్రాగన్ టైటిల్ తో రిలీజ్ అయింది. ఇక గడచిన మూడు రోజులతో పోలిస్తే నాలుగో రోజు ఈ సినిమా మరింత స్ట్రాంగ్ గా అయితే కలెక్షన్స్ అందుకుంది. 

మొదటి వీకెండ్ కి ఈ సినిమా ఓపెనింగ్ తో పోలిస్తే 80 శాతానికి పైగా కలెక్షన్ అయితే అందుకుంది. మొత్తం ఇది రూ. 4. 50 కోట్లని నాలుగో రోజు రాబట్టింది. ఇటు తెలుగు స్టేట్స్ లో కూడా రూ. 1 గ్రాస్ కలెక్షన్ అందుకున్నట్టు ఇక్కడ విశ్లేషకులు చెప్తున్నారు. ప్రదీప్ రంగనాథన్ అద్భుత నటనతో పాటు దర్శకుడు అశ్వత్ మారిముత్తు తెరకెక్కించిన కథ కథనాలు, కామెడీ, లవ్, ఎమోషనల్ సన్నివేశాలతో పాటు బ్యాక్ గ్రౌండ్ స్కోర్, ఎలివేషన్స్ ఈ సినిమాకి ప్రధాన బలాలుగా చెప్పవచ్చు.  

ముఖ్యంగా ఈ మూవీ ఫస్ట్ వీకెండ్ ముగిసేసరికి రూ. 50 కోట్ల గ్రాస్ అయితే సొంతం చేసుకుంది. ఓవరాల్ గా నాలుగు రోజుల్లో ఇది రూ. 58 కోట్ల గ్రాస్ దక్కించుకుంది. ఇక రేపు మహాశివరాత్రి పండుగ హాలిడే కావటంతో డ్రాగన్ మూవీకి మరింతగా కలెక్షన్ వచ్చే అవకాశం ఉంది. 

ఫస్ట్ వీక్ లో ఈ సినిమా టోటల్ గా రూ. 80 కోట్ల దాటేసి ఓవరాల్ గా రెండో వారంలో అడుగుపెట్టిన మధ్యలోనే రూ. 100 కోట్లు అందుకునే అవకాశం కూడా లేకపోలేదు. ఈ పరిస్థితి చూస్తుంటే ఈ మూవీ రూ. 100 నుంచి రూ. 150 కోట్లకు కూడా చేరుకోవచ్చని తమిళ ట్రేడ్ అండ్ అనలిస్టులు చెప్తున్నారు

ఇటీవల శివ దర్శకత్వంలో తెరకెక్కిన భారీ పాన్ ఇండియన్ మూవీ కంగువ ద్వారా ఆడియన్స్ ముందుకు వచ్చి కెరీర్ పరంగా అతిపెద్ద డిజాస్టర్ అయితే చవి చూశారు సూర్య. ఇక దాని అనంతరం తాజాగా కార్తీక్ సుబ్బరాజ్ దర్శకత్వంలో ఆయన చేస్తున్న సినిమా రెట్రో. ఎన్నో ఏళ్ల క్రితం జరిగిన మాస్ యాక్షన్ లవ్ స్టోరీగా రెట్రో డ్రామాగా తెరకెక్కుతున్న ఈ మూవీ పై సూర్యా ఫ్యాన్స్ తో పాటు సాధారణ ఆడియన్స్ అందరిలో కూడా బాగా అంచనాలు ఉన్నాయి. 

ఇప్పటికే రిలీజ్ అయిన రెట్రో ఫస్ట్ లుక్ టీజర్ తో పాటు ఫస్ట్ సాంగ్ అందరిని విశేషంగా ఆకట్టుకున్నాయి. ఇక ఈ మూవీ నుంచి త్వరలో రెండో సాంగ్ రిలీజ్ చేయనున్నారు యూనిట్. కాగా ఈ సాంగ్ లో సూర్య తో కలిసి శ్రియ శరన్ ఒక అద్భుతమైన డాన్స్ నెంబర్ తో కనిపించనున్నారని తెలుస్తోంది. కాగా ఈ సాంగ్ ని సంగీత దర్శకుడు సంతోష్ నారాయణ్ అద్భుతంగా కంపోజ్ చేశారని చెప్తున్నారు. 

ఖచ్చితంగా ఈ సాంగ్ అందరిని రేపు థియేటర్స్ లో కూడా అలరిస్తుందట. స్టోన్ బెంచ్ క్రియేషన్స్, 2డి ఎంటర్టైన్మెంట్స్ సంస్థల పై కార్తేకేయన్ సంతానం, రాజశేఖర్ పాండియన్, జ్యోతిక, సూర్య ఈ మూవీని భారీ స్థాయిలో నిర్మిస్తున్నారు. ఇక ఈ మూవీ మే 1న రిలీజ్ కానుంది. మరి రిలీజ్ అనంతరం రెట్రో ఎంతమేర ఆకట్టుకుంటుందో చూడాలి. 

తాజాగా త్రినాధరావు నక్కిన దర్శకత్వంలో సందీప్ కిషన్, రీతు వర్మ, రావు రమేష్, అన్షు ప్రధాన పాత్రల్లో తెరకెక్కిన కామెడీ యాక్షన్ ఎంటర్టైనర్ మూవీ మజాకా. ఈ మూవీపై అటు సందీప్ కిషన్ ఫ్యాన్స్ తో పాటు ఆడియన్స్ లో కూడా మొదటినుంచి మంచి అంచనాలు ఉన్నాయి. తాజాగా మూవీ నుంచి రిలీజ్ అయిన సాంగ్స్ తో పాటు టీజర్, ట్రైలర్ అన్ని కూడా ఎంతో ఎంటర్టైనింగ్ గా ఆకట్టుకుని ఇప్పటి వరకు మూవీ పై ఉన్న అంచనాలైతే భారీగా పెంచేసాయి. 

ఫిబ్రవరి 26 అనగా రేపు ఈ సినిమా గ్రాండ్ గా ఆడియన్స్ ముందుకు రానుంది. అయితే విషయం ఏమిటంటే ఈరోజు సాయంత్రం ఈ సినిమాకు సంబంధించిన స్పెషల్ పెయిడ్ ప్రీమియర్స్ అయితే ప్రదర్శించనున్నారు. తమ సినిమా మీద నమ్మకంతోనే తాము ముందుగా స్పెషల్ పెయిడ్ ప్రీమియర్లను ప్రదర్శిస్తున్నామని, తప్పకుండా ఇది తమ టీంకి ఈ మూవీ మంచి విజయం అందిస్తుందని మూవీ సభ్యులు ఆశాభావం వ్యక్తం చేస్తున్నారు. 

మరోవైపు దర్శకుడు త్రినాధరావు తో పాటు హీరో సందీప్ కిషన్ మాట్లాడుతూ మజాకా ఎంతో ఎంటర్టైనింగ్ గా సాగుతుందని అన్న వర్గాల ఆడియన్స్ ని తప్పకుండా అలరిస్తుందని చెప్తున్నారు. మరి ఈ స్పెషల్ ప్రీమియర్స్ ద్వారా మజాకా జాక్ పాటు కొడుతుందా లేదా ఫెయిల్ అవుతుందా అనేది తెలియాలంటే మరి కొన్ని గంటల వరకు వెయిట్ చేయక తప్పదు. ఇక ఈ మూవీని రాజేష్ దండా ,ఉమేష్ కె ఆర్ బన్సాల్ గ్రాండ్ గా నిర్మిస్తున్నారు.  

యంగ్ టైగర్ పాన్ ఇండియన్ స్టార్ ఎన్టీఆర్ హీరోగా కొరటాల శివ దర్శకత్వంలో ఇటీవల తెరకెక్కిన సినిమా దేవర పార్ట్ 1. గత ఏడాది సెప్టెంబర్ 27న భారీ అంచనాలతో రిలీజ్ అయిన ఈ సినిమా బ్లాక్ బస్టర్ గా అయితే నిలిచింది. జాన్వి కపూర్ హీరోయిన్ గా నటించిన దేవర పార్ట్ 1 మూవీలో ఎన్టీఆర్ రెండు పాత్రల్లో కనిపించి తన అత్యద్భుత పర్ఫామెన్స్ తో అందర్నీ అలరించారు ఎన్టీఆర్. 

అనిరుద్ రవిచందర్ సంగీతం అందించిన ఈ మూవీని ఎన్టీఆర్ ఆర్ట్స్, యువ సుధ ఆర్ట్స్ సంస్థలు భారీ స్థాయిలో పాన్ ఇండియన్ రేంజ్ లో నిర్మించాయి. విషయం ఏమిటంటే మార్చి 28న ఈ సినిమా జపాన్ లో గ్రాండ్ లెవెల్ లో రిలీజ్ అయ్యేందుకు సిద్ధమవుతోంది. 

అక్కడ ఎన్టీఆర్ కి మంచి క్రేజ్, ఫ్యాన్స్ ఉన్న విషయం తెలిసిందే. తాజాగా ఈ సినిమాకు సంబంధించిన ప్రమోషన్స్ లో పాల్గొంటున్నారు ఎన్టీఆర్. నేడు వీడియో మీట్ ద్వారా జపాన్ లోని మీడియా ప్రతినిధులతో అలానే అక్కడి వారితో ప్రత్యేకంగా మాట్లాడిన ఎన్టీఆర్ ఈనెల 22న జపాన్ వెళ్ళనున్నారు. 

అనంతరం అక్కడ ప్రమోషన్స్ మరింత గ్రాండ్ గా నిర్వహించనుండగా మార్చి 28న దేవర మూవీ అక్కడ ఆడియన్స్ ముందుకు రానుంది. మరి దేవర పార్ట్ 1 ఎంత మేర జపాన్ లో ఆకట్టుకుంటుందో, ఏ స్థాయిలో కలెక్షన్ అందుకుంటుందో చూడాలి.

టాలీవుడ్ అందాల కథానాయికల్లో ఒకరైన పూజా హెగ్డే ప్రస్తుతం కెరీర్ పరంగా వరుసగా పలు సినిమా అవకాశాలతో కొనసాగుతున్నారు. ఓవపు తెలుగుతో పాటు అటు తమిళ్, హిందీ సినిమాలను ఆమె చేస్తున్నారు. 

ఇక తాజాగా ఆమె చేతిలో మొత్తం మూడు సినిమాలు ఉన్నాయి. అందులో ఒకటి సూర్య హీరోగా కార్తీక్ సుబ్బరాజు దర్శకత్వంలో తెరకెక్కుతున్న మాస్ లవ్ యాక్షన్ డ్రామా మూవీ రెట్రో కాగా మరొకటి లారెన్స్ తెరకెక్కిస్తున్న కాంచన 4. అలానే వీటితో పాటు సూపర్ స్టార్ రజినీకాంత్ హీరోగా లోకేష్ కనకరాజ్ తీస్తున్న మాస్ మూవీలో ఆమె ఒక స్పెషల్ సాంగ్ అయితే చేయనున్నారు. 

ఈ సినిమాలన్నిటి పై కూడా పూజాహెగ్డే అభిమానులతో పాటు సాధారణ ఆడియన్స్ లో కూడా మంచి అంచనాలు ఉన్నాయి. కాగా వీటిలో లారెన్స్ హీరోగా స్వీయ దర్శకత్వంలో రూపొందుతున్న కాంచన 4 హారర్ కామెడీ యాక్షన్ డ్రామాగా తెరక్కుతోంది. కాంచన సిరీస్ లోని నాలుగో సినిమా అయిన ఈ మూవీలో పూజాహెగ్డే చెవిటి మరియు మూగ అమ్మాయిగా ఒక గ్రామీణ యువతీ పాత్రలో కనిపించనున్నారట. 

ఈ పాత్ర ఆమెకు కెరీర్ పరంగా ఎంతో చాలెంజింగ్ అని, కాగా ఆమె ఈ పాత్రలో అద్భుతంగా పెర్ఫామ్ చేస్తున్నారని అంటున్నారు. ఈ మూవీని గోల్డ్ మైన్స్ ఫిలిమ్స్ గ్రాండ్ గా పాన్ ఇండియన్ రేంజ్ లో నిర్మిస్తోంది. ఇక ఈ మూవీలో లారెన్స్, పూజా హెగ్డే తో పాటు నోరా ఫతేహి కూడా ఒక కీలక పాత్ర పోషిస్తున్నారు. త్వరలో ఈ సినిమాకు సంబంధించిన పూర్తి వివరాలు వెల్లడి కానున్నాయి