టాలీవుడ్ స్టార్ యాక్టర్ మెగాస్టార్ చిరంజీవి ప్రస్తుతం యువ దర్శకుడు వశిష్ట దర్శకత్వంలో చేస్తున్న సోషియో ఫాంటసీ మూవీ విశ్వంభర. ఈ మూవీ పై మెగా ఫ్యాన్స్ తో పాటు సాధారణ ప్రేక్షకుల్లో కూడా ఎన్నో అంచనాలు నెలకొని ఉన్నాయి. 

ఈ మూవీని గ్రాండ్ లెవెల్లో ప్రతిష్టాత్మకంగా యువి క్రియేషన్స్ సంస్థ నిర్మిస్తోంది. వాస్తవానికి మే లో ఆడియన్స్ ముందుకి వస్తుందనుకున్న ఈ మూవీ విజువల్ ఎఫెక్ట్స్ మరింత ఆలస్యం కారణంగా ఈ ఏడాది ద్వితీయర్థములో రిలీజ్ కానున్నట్లు టాక్. త్రిష హీరోయిన్ గా నటిస్తున్న ఈ మూవీకి కీరవాణి సంగీతం సమకూరుస్తున్నారు. 

మరోవైపు త్వరలో సక్సెస్ఫుల్ డైరెక్టర్ అనిల్ రావిపూడితో ఒక మూవీ చేయనున్నారు మెగాస్టార్. ఇప్పటికే ఈ మూవీ యొక్క అధికారిక ప్రకటన నిర్మాత సాహు గారపాటి అలానే మెగాస్టార్ ఒక కార్యక్రమంలో భాగంగా అందించడం జరిగింది. 

తాజాగా ఈ మూవీ యొక్క ఫస్ట్ హాఫ్ స్క్రిప్ట్ ని దర్శకుడు అనిల్ రావిపూడి పూర్తి చేశారట. అతిత్వరలో సెకండ్ హాఫ్ కూడా పూర్తి చేసి వీలైనంత త్వరలో దీనిని పట్టాలెక్కించి వచ్చే ఏడాది సంక్రాంతి కానుకగా రిలీజ్ చేసేలా ప్లాన్ చేస్తున్నారు. మ్యాటర్ ఏమిటంటే, ఈ మూవీలో హీరోయిన్ గా టాలెంటెడ్ బ్యూటీ అదితి రావు హైదరి నటించనున్నట్లు టాక్. 

త్వరలో ఆమెని కలిసి దర్శకుడు అనిల్ కథ కథనాలు వివరించనున్నారట. కాగా ఈమూవీకి భీమ్స్ సిసిలోరియో సంగీతం సమకూర్చనున్నారు. ఇటీవల తెలుగులో మహాసముద్రం మూవీ చేసారు అదితి. 

యువ నటీనటులు హర్ష్ రోషన్, శ్రీదేవి ప్రధాన పాత్రల్లో ప్రియదర్శి, శివాజీ, సాయి కుమార్ తదితరులు ఇతర కీలక పాత్రల్లో యువ దర్శకుడు రామ్ జగదీశ్ తెరకెక్కించిన లేటెస్ట్ యాక్షన్ కోర్ట్ డ్రామా మూవీ కోర్ట్. ఈ మూవీ మొడ్ఢతి నుండి అందరిలో మంచి అంచనాలు ఏర్పరిచి ఇటీవల ప్రేక్షకుల ముందుకి వచ్చింది. 

ప్రీమియర్స్ నుండే సక్సెస్ టాక్ అందుకున్న కోర్ట్ మూవీ ప్రస్తుతం బాక్సాఫీస్ వద్ద సెన్సేషన్ సృష్టిస్తూ కొనసాగుతోంది. కేవలం రూ. 9 కోట్ల బడ్జెట్ తో రూపొందిన ఈమూవీ మొదటి వీకెండ్ పూర్తి అయ్యేసరికి అప్పుడే రూ. 24 కోట్ల గ్రాస్ మార్క్ ని చేరుకుంది. ముఖ్యంగా ఆకట్టుకునే కథ, కథనాలు, రెసి స్క్రీన్ ప్లే తో ఈ మూవీ అందరినీ అలరిస్తోంది. 

ప్రధాన పాత్రధారుల యొక్క ఆకట్టుకునే నటన, దర్శకుడి టేకింగ్ వంటివి దీనికి అదనపు బలాలు. ఇక ఈ మూవీ అటు అమెరికాలో సైతం సత్తా చాటుతోంది. ఇప్పటికే ఈమూవీ అక్కడ హాఫ్ మిలియన్ డాలర్స్ మార్క్ చేరుకోగా ఫుల్ రన్ లో 1 మిలియన్ చేరుకునే అవకాశం గట్టిగా కనపడుతోంది. 

నాచురల్ స్టార్ నాని సమర్పకుడిగా వ్యవహరించిన ఈమూవీని ప్రశాంతి త్రిపిర్నేనేని నిర్మించారు. మరి ఓవరాల్ గా కోర్ట్ మూవీ ఎంతమేర రాబడుతుందో తెలియాలి అంటే మరికొన్నాళ్లు ఆగాల్సిందే. 

యువ నటుడు నితిన్ హీరోగా తాజాగా వెంకీ కుడుముల దర్శకత్వంలో తెరకెక్కుతున్న యాక్షన్ ఎంటర్టైనర్ మూవీ రాబిన్ హుడ్. ఈ మూవీలో యువ అందాల నటి శ్రీలీల హీరోయిన్ గా నటిస్తుండగా జివి ప్రకాష్ కుమార్ సంగీతం సమకూర్చారు. 

టాలీవుడ్ అగ్ర నిర్మాణ సంస్థ మైత్రి మూవీ మేకర్స్ వారు దీనిని గ్రాండ్ లెవెల్లో నిర్మిస్తున్నారు. ఇప్పటికే ప్రచార చిత్రాలతో అందరినీ ఆకట్టుకుని మంచి అంచనాలు ఏర్పరిచిన ఈ మూవీ మార్చి 28న గ్రాండ్ గా ప్రేక్షకుల ముందుకి వచ్చేందుకు సిద్దమవుతోంది. మరోవైపు మూవీ యొక్క ప్రమోషన్స్ ని విరివిగా నిర్వహిస్తోంది మూవీ టీమ్. 

ఇక ఈ మూవీ యొక్క వరల్డ్ వైడ్ థియేట్రికల్ రైట్స్ రూ. 30 కోట్లకు అమ్ముడయ్యాయి. కోస్తా ఆంధ్ర బిజినెస్ రూ. 12 కోట్లు కాగా సీడెడ్ రూ. 3.6 కోట్లు జరిగింది. ఒకరకంగా ఇది మంచి బిజినెస్ అని చెప్పాలి. గతంలో నితిన్ తో వెంకీ తీసిన భీష్మ మంచి విజయం అందుకుని దాదాపుగా రూ. 30 కోట్ల వరకు రాబట్టింది. 

ఇక దీని బ్రేకివేన్ ని మూవీ యొక్క కంటెంట్ బాగుంటే ప్రస్తుత పరిస్థితుల్లో ఈజీగా దాటేయవచ్చు. అయితే తన కెరీర్ పరంగా ఈమూవీతో పెద్ద విజయం సొంతం చేసుకుని రూ. 100 కోట్ల గ్రాస్ మార్క్ చేరుకోవాలనేది నితిన్ టార్గెట్ అట. మరి అందరిలో మంచి అంచనాలు ఏర్పరిచిన రాబిన్ హుడ్ రిలీజ్ తరువాత ఏ స్థాయిలో సక్సెస్ అవుతుందో చూడాలి. 

టాలీవుడ్ డ్యాషింగ్ డైరెక్టర్ పూరి జగన్నాథ్ ప్రస్తుతం కెరీర్ పరంగా ఎంతో ఇబ్బందికర పరిస్థితిని ఎదుర్కొంటున్నారు. దానికి కారణం ఇటీవల ఆయన నుండి వచ్చిన విజయ్ దేవరకొండ లైగర్, రామ్ పోతినేని ఇస్మార్ట్ శంకర్ 2 సినిమాలు రెండూ కూడా బాక్సాఫీస్ వద్ద ఘోరంగా డిజాస్టర్స్ గా నిలవడమే. 

వాస్తవానికి అంతకముందు ఇస్మార్ట్ శంకర్ మూవీతో పెద్ద విజయం అందుకున్న పూరి, ఈ రెండు సినిమాల వరుస దెబ్బలతో కోలుకోలేకుండా ఉన్నారు. అయితే ఇటీవల కింగ్ అక్కినేని నాగార్జునకు పూరి జగన్నాథ్ ఒక స్టోరీ వినిపించారని వార్తలు వచ్చాయి. 

కాగా లేటెస్ట్ టాలీవుడ్ బజ్ ప్రకారం ప్రముఖ కోలీవుడ్ నటుడు విజయ్ సేతుపతితో తన నెక్స్ట్ మూవీని చేసేందుకు సిద్ధమయ్యారు పూరి. ఇప్పటికే విజయ్ సేతుపతిని కలిసి ఒక మంచి స్టోరీ లైన్ వినిపించి ఆయన నుండి గ్రీన్ సిగ్నల్ అందుకున్నారట. ఇది పట్టాలెక్కితే విజయ్ సేతుపతి నటించే తొలి డైరెక్ట్ తెలుగు మూవీ ఇదే అవుతుంది. 

ఇప్పటికే స్క్రిప్ట్ వర్క్ కూడా ఆల్మోస్ట్ పూర్తి చేసిన ఈమూవీ యొక్క టైటిల్ తో పాటు పూర్తి డీటెయిల్స్ అన్ని కూడా త్వరలో అధికారికంగా అనౌన్స్ కానున్నట్లు తెలుస్తోంది. మరి ఈ క్రేజీ కాంబో మూవీ ఎంతమేర ఆకట్టుకుంటుందో తెలియాలి అంటే మరికొన్నాళ్లు ఆగాల్సిందే. 

వాస్తవానికి అలవైకుంఠపురములో మూవీ యొక్క పెద్ద విజయంతో కెరీర్ పరంగా పెద్ద హిట్ సొంతం చేసుకున్న అల్లు అర్జున్, ఆ మూవీలోని సాంగ్స్ కూడా నేషనల్ వైడ్ పాపులర్ అవడంతో మరింత పేరు అందుకున్నారు. అనంతరం సుకుమార్ తీసిన పాన్ ఇండియన్ మూవీ పుష్ప 1 తో అటు నార్త్ ఆడియన్స్ ని కూడా ఆకట్టుకుని ఏకంగా ఆ మూవీలో కనబరిచిన అద్భుత నటనకు గాను ఉత్తమ నటుడిగా నేషనల్ అవార్డు కూడా సొంతం చేసుకున్నారు. 

అనంతరం దానికి సీక్వెల్ గా ఇటీవల వచ్చిన పుష్ప 2 మూవీ అంతకుమించి రూ. 1670 కోట్ల మేర వరల్డ్ వైడ్ గ్రాస్ ని సొంతం చేసుకుంది. ఇక ఈ మూవీతో హీరోగా అల్లు అర్జున్ రేంజ్, మార్కెట్ వేల్యూ అమాంతంగా పెరిగిపోయిందని చెప్పాలి. అయితే ఈ మూవీ తరువాత కోలీవుడ్ దర్శకుడు అట్లీతో తన నెక్స్ట్ మూవీ చేసేందుకు సిద్ధమవుతున్నారు అల్లు అర్జున్. 

అయితే పుష్ప 2 తరువాత పుష్ప 3 మూవీ ఉంటుందని మేకర్స్ ఇప్పటికే అనౌన్స్ చేసారు. కాగా తాజగా దానికి సంబంధించి మైత్రి మూవీ మేకర్స్ నిర్మాతల్లో ఒకరైన రవిశంకర్ ఒక కార్యక్రమంలో భాగంగా మాట్లాడుతూ, పుష్ప 3 మూవీ వీలైనంత వరకు 2028 లో ఆడియన్స్ ముందుకి తీసుకువచ్చేందుకు గట్టిగా ప్రయత్నిస్తాం అన్నారు. 

ప్రస్తుతం అట్లీ మూవీ కోసం సిద్దమవుతున్న అల్లు అర్జున్, దాని అనంతరం త్రివిక్రమ్ మూవీ చేస్తారని, అవి రెండిటి తరువాత పుష్ప 3 కూడా ఫాస్ట్ గా షూట్ జరుపుకుంటుందని తెలిపారు. మరోవైపు రామ్ చరణ్ మూవీ కోసం ప్రస్తుతం సుకుమార్ స్క్రిప్ట్ పనుల్లో ఉన్నారని అన్నారు. మొత్తంగా దీనిని బట్టి 2028లో అల్లు అర్జున్ పుష్ప 3 తో ఆడియన్స్ ముందుకి రావడం ఖాయం అని తెలుస్తోంది.