సూపర్ స్టార్ మహేష్ బాబు హీరోగా అనుష్క శెట్టి హీరోయిన్ గా కనకరత్న మూవీస్ బ్యానర్ పై త్రివిక్రమ్ శ్రీనివాస్ దర్శకత్వంలో తెరకెక్కిన యాక్షన్ ఎంటర్టైనర్ మూవీ ఖలేజా 2010లో రిలీజ్ అయి ఫ్లాప్ అయింది. ఈ మూవీలో రావు రమేష్, ప్రకాష్ రాజ్, ధర్మవరపు సుబ్రహ్మణ్యం, బ్రహ్మానందం, ఆలీ వంటి వారు కీలక పాత్రలు చేయగా మెలోడీ బ్రాహ్మణ మణిశర్మ సంగీతం అందించారు.

అయితే తాజాగా మే 30న గ్రాండ్ గా రీ రిలీజ్ ద్వారా మళ్ళి ఆడియన్స్ ముందుకి వచ్చింది ఈ మూవీ. అయితే అంతకముందు రోజు ఖలేజా ప్రీమియర్స్ ప్రదర్శించగా దానికి మంచి క్రేజ్ లభించింది. ఇక ఫస్ట్ డే నుండి బాగా కలెక్షన్స్ అందుకున్న ఈ మూవీ రెండు తెలుగు రాష్ట్రాలతో పాటు ఓవర్సీస్ లో కూడా బాగా కలెక్షన్ రాబట్టింది.

విషయం ఏమిటంటే, ఖలేజా మూవీ రీ రిలీజ్ లో ఓవర్సీస్ మార్కెట్ లో 10వేలకు పైగా టికెట్స్ అమ్ముడైన మూవీగా, రూ. 1 కోటి గ్రాస్ అందుకున్న మూవీగా అలానే యుఎస్ఏ లో 100కె డాలర్స్ అందుకున్న మూవీగా సంచలన రికార్డు నమోదు చేసింది.

ఈ మూవీలో సూపర్ స్టార్ మహేష్ బాబు కామెడీ టైమింగ్ కి సూపర్ స్టార్ ఫాన్స్ తో పాటు ఆడియన్స్ అందరూ కూడా థియేటర్స్ లో ఎంతో ఎంజాయ్ చేస్తున్నారు. మొత్తంగా అప్పుడు ఫ్లాప్ అయిన ఖలేజా మూవీ తాజా రీ రిలీజ్ పరంగా భారీ విజయం దిశగా కొనసాగుతుండడం విశేషం.

నాచురల్ స్టార్ నాని హీరోగా డాక్టర్ శైలేష్ కొలను దర్శకత్వంలో తెరకెక్కిన లేటెస్ట్ క్రైమ్ యాక్షన్ థ్రిల్లింగ్ ఎంటర్టైనర్ మూవీ హిట్ 3. కాగా గతంలో వచ్చిన హిట్ ఫ్రాంచైజ్ లోని రెండు సినిమాల కంటే ఇది బాగా సక్సెస్ అయి ఓవరాల్ గా బాక్సాఫీస్ వద్ద రూ. 100 కోట్లకు పైగా గ్రాస్ సొంతం చేసుకుంది.

శ్రీనిధి శెట్టి హీరోయిన్ గా నటించిన ఈ మూవీలోని కీలక పాత్రలో బాలీవుడ్ నటుడు ప్రతీక్ బబ్బర్ నటించారు. మిక్కీ జె మేయర్ సంగీతం సమకూర్చిన హిట్ 3 మూవీ థియేటర్స్ రిలీజ్ అనంతరం తాజాగా ప్రముఖ ఓటిటి మాధ్యమం నెట్ ఫ్లిక్స్ ద్వారా పలు భాషల ఆడియన్స్ ముందుకి వచ్చింది. అయితే ఇటీవల సూర్య హీరోగా కార్తీక్ సుబ్బరాజ్ తీసిన రెట్రో కూడా అదే రోజు ఓటిటిలోకి రాగా ప్రస్తుతం హిట్ 3 దానిని మించి మరింత మంచి రెస్పాన్స్ తో కొనసాగుతోంది.

కాగా హిట్ 3 నెట్ ఫ్లిక్స్ లో టాప్ లో ట్రెండ్ అవుతుండగా రెట్రో రెండవ స్థానంలో ఉంది. అటు రెట్రో కి కూడా బాగానే రెస్పాన్స్ వస్తున్నప్పటికీ ఓటిటి లో హిట్ 3 డామినేషన్ కనపడుతోందని అంటున్నారు విశ్లేషకులు. అటు బాక్సాఫీస్ పరంగా కూడా రెట్రో ఆశించిన స్థాయి సక్సెస్ అందుకోలేకపోయిన విషయం తెలిసిందే. 

టాలీవుడ్ స్టార్ యాక్టర్ పవర్ స్టార్ పవన్ కళ్యాణ్ హీరోగా జ్యోతి కృష్ణ, క్రిష్ జాగర్లమూడి కలిసి తెరకెక్కిస్తున్న లేటెస్ట్ హిస్టారికల్ యాక్షన్ పాన్ ఇండియన్ డ్రామా మూవీ హరి హర వీర మల్లు. ఈ మూవీలో యువ నటి నిధి అగర్వాల్ హీరోయిన్ గా నటిస్తుండగా ఇతర కీలక పాత్రల్లో బాబీ డియోల్, నోరా ఫతేహి, నర్గీస్ ఫక్రి, అనసూయ తదితరులు నటిస్తున్నారు.

ఎం ఎం కీరవాణి సంగీతం అందిస్తున్న ఈ గ్రాండ్ మూవీని భారీ వ్యయంతో రెండు భాగాలుగా మెగా సూర్య ప్రొడక్షన్స్ బ్యానర్ పై ఏ ఎం రత్నం నిర్మిస్తున్నారు. కాగా మొదటి భాగం జూన్ 13న ఆడియన్స్ ముందుకి రానుంది. ఇప్పటికే ఈ మూవీ నుండి రిలీజ్ అయిన గ్లింప్స్ టీజర్స్ తో పాటు సాంగ్స్ పర్వాలేదనిపించే రెస్పాన్స్ అందుకున్నాయి.

అయితే తాజాగా ఒక ఇంటర్వ్యూలో భాగంగా తమ మూవీ యొక్క బిజినెస్ రూమర్స్ గురించి క్లారిటీ ఇచ్చారు నిర్మాత రత్నం. కొంత అధికంగా పలు ప్రాంతాల బిజినెస్ రేట్స్ కారణంగా హరి హర వీర మల్లుకి సంబంధించి ఇండియా లోని అనేక ఏరియాల్లో బిజినెస్ ఇంకా క్లోజ్ కాలేదని, అందుకే వీటిపై కొందరు రూమర్స్ క్రియేట్ చేస్తున్నారని అన్నారు.

అయితే ట్రైలర్ రిలీజ్ అనంతరం అంత పక్కాగా సర్దుకుంటుందని, అలానే తమ సినిమా ఎంతటి గ్రాండ్ స్కేల్ లో రూపొందిందనేది అందరికీ అర్ధం అవుతుందని అన్నారు. పవన్ కళ్యాణ్ పెర్ఫార్మన్స్ ఈమూవీకి ప్రధాన హైలైట్ అని తప్పకుండా మూవీ పెద్ద విజయం అందుకోవడం ఖాయం అని తెలిపారు.

నటసింహం నందమూరి బాలకృష్ణ హీరోగా తాజాగా బోయపాటి శ్రీను తీస్తున్న లేటెస్ట్ మాస్ యాక్షన్ మూవీ అఖండ 2. ఇటీవల ఆడియన్స్ ముందుకి వచ్చి పెద్ద విజయం సొంతం చేసుకున్న అఖండ కి ఇది సీక్వెల్ గా తెరకెక్కుతోంది.

సంయుక్త మీనన్ హీరోయిన్ గా నటిస్తున్న ఈ మూవీని 14 రీల్స్ ప్లస్ సంస్థ పై రామ్ ఆచంట, గోపి ఆచంట గ్రాండ్ గా నిర్మిస్తుండగా ఎస్ థమన్ సంగీతం సమకూరుస్తున్నారు.

వాస్తవానికి సెప్టెంబర్ 25న రిలీజ్ కావాల్సిన ఈ మూవీ మరికొన్నాళ్లు వాయిదా పడ్డట్లు తెలుస్తోంది. అయితే విషయం ఏమిటంటే, జూన్ 10న బాలకృష్ణ బర్త్ డే సందర్భంగా ఈ మూవీ నుండి ఫస్ట్ లుక్ టీజర్ ని రిలీజ్ చేయనున్న మేకర్స్, అందులోనే న్యూ రిలీజ్ డేట్ ని కూడా అనౌన్స్ చేయనున్నారట.

కాగా అఖండ 2 మూవీ డిసెంబర్ మొదటి వారంలో గ్రాండ్ గా ఆడియన్స్ ముందుకి రానుందని తెలుస్తోంది. ముఖ్యంగా పార్ట్ 1 ని మించేలా ఇందులో బాలకృష్ణ పోషించిన అఘోర పాత్ర యొక్క సీన్స్ మరింత అద్భుతంగా ఉండనున్నట్లు టాక్.

అలానే థమన్ బ్యాక్ గ్రౌండ్ స్కోర్ తో పాటు సాంగ్స్ విషయంలో కూడా దర్శకుడు బోయపాటి ఎంతో జాగ్రత్త తీసుకుంటున్నారట. మరి రిలీజ్ అనంతరం అఖండ 2 ఎంత మేర సక్సెస్ అవుతుందో చూడాలి. 

శశి కుమార్, సిమ్రాన్ జంటగా యువ దర్శకుడు అబీషన్ జీవింత్ దర్శకత్వంలో తెరకెక్కిన లేటెస్ట్ తమిళ ఫ్యామిలీ యాక్షన్ డ్రామా మూవీ టూరిస్ట్ ఫ్యామిలీ. ఆర్ధిక పరిస్థితుల రీత్యా శ్రీలంక నుండి ఇండియాకి వచ్చిన టూరిస్ట్ ఫ్యామిలీ ఇక్కడ ఏవిధంగా జీవించింది, అనంతరం ఎటువంటి పరిణామాలు ఎదురయ్యాయి అనే కథాంశంతో ఇంట్రెస్టింగ్ గా దర్శకుడు దీనిని తెరకెక్కించారు. 

మిలియన్ డాలర్ స్టూడియోస్, ఎం ఆర్ పి ఎంటర్టైన్మెంట్ సంస్థలు దీనిని గ్రాండ్ గా నిర్మించగా ఇతర కీలక పాత్రల్లో మిథున్ జయ శంకర్, కమలేష్, యోగిబాబు తదితరులు నటించారు. అయితే ఇటీవల థియేటర్స్ లో రిలీజ్ అయిన ఈ మూవీ అతి పెద్ద విజయం అందుకుంది.

ముఖ్యంగా మనుషుల మధ్యన అంతరించిపోతున్న బంధాలు, అనుబంధాల నేపథ్యంలో ఆకట్టుకునే రీతిన దర్శకుడు తెరకెక్కించిన ఈ మూవీకి ఆడియన్స్ నీరాజనాలు పట్టారు. ముఖ్యంగా ఫ్యామిలీ ఆడియన్సు ని ఈ మూవీ విశేషంగా ఆకట్టుకుంది. ఇక తాజాగా ఈ మూవీ జియో హాట్ స్టార్ ద్వారా ఓటిటిలో పలు భాషల ఆడియన్స్ ముందుకి వచ్చింది.

తప్పకుండా తమ మూవీ ఓటిటి లో కూడా అందరినీ ఆకట్టుకుంటుందని టీమ్ ఆశాభావం వ్యక్తం చేస్తుంది. మరి ఓటిటి లో టూరిస్ట్ ఫ్యామిలీ ఎంతమేర రెస్పాన్స్ సొంతం చేసుకుంటుందో చూడాలి.