సినిమా పేరు: 3BHK

రేటింగ్: 2.75 / 5

తారాగణం: సిద్ధార్థ్, శరత్ కుమార్, మీతా రఘునాథ్, దేవయాని, చైత్ర జె ఆచార్, యోగి బాబు తదితరులు

దర్శకుడు: శ్రీ గణేష్

నిర్మాత: అరుణ్ విశ్వ

విడుదల తేదీ: 4 జూలై 2025

సిద్దార్థ, శరత్ కుమార్, దేవుని వంటి నటులు కీలక పాత్రల్లో శ్రీగణేష్ దర్శకత్వంలో తెరకెక్కిన లేటెస్ట్ ఎమోషనల్ యాక్షన్ డ్రామా మూవీ 3BHK. ఇటీవల ట్రైలర్ తో ఆడియన్స్ లో మంచి ఆసక్తిని ఏర్పరిచిన ఈ మూవీ నేడు రిలీజ్ అయింది. మరి ఈ మూవీ యొక్క పూర్తి రివ్యూ ఇప్పుడు చూద్దాం. 

కథ :

కథ పరంగా చెప్పాలి అంటే ఒక మధ్యతరగతి కుటుంబం మతంగా ఒక 3BHK ఫ్లాట్ కొనుగోలు చేసేందుకు తమ జీవితంలో
ఏవిధంగా ఆర్ధిక ఒడిదుడుకులు ఎదుర్కొంది అనే అంశం పై సాగుతుంది.

నటీనటులు పెర్ఫార్మన్స్ : 

ముఖ్య పాత్ర చేసిన సిద్దార్థ మరొక్కసారి తన యొక్క ఆకట్టుకునే పెర్ఫార్మన్స్ తో ఆడియన్స్ మనసులు దోచారు. కీలకమైన ఎమోషనల్ సీన్స్ లో ఆయన నటన మరింత హృద్యంగా అందరి మనసులు తాకుతుంది.

ఇక శరత్ కుమార్, దేవయాని ల పాత్రలు కూడా బాగుంటాయి, వారి పెర్ఫార్మన్స్ కూడా మధ్యతరగతి తల్లితండ్రులుగా ఎంతో బాగా కుదిరింది. మీత రఘునాథ్, చరిత ఆచార్ కూడా తమ యొక్క పాత్రల్లో ఒదిగిపోయి యాక్ట్ చేసారు. కొన్ని కామెడీ సీన్స్ లో యోగి బాబు తన మార్క్ నవ్వులు పంచుతారు.

విశ్లేషణ : 

మొదటగా 3BHK టీజర్ మనం చూసినప్పటి నుండి ఇది ఒక ఎమోషనల్ యాక్షన్ ఫ్యామిలీ డ్రామా అనే హింట్ ని దర్శకుడు శ్రీగణేష్ ఇచ్చారు. ముఖ్యంగా నేటి మధ్యతరగతి వారికి సొంత ఇల్లు కట్టుకోవాలి అనేది కలగానే ఉండిపోతోంది.

అటువంటి తరుణంలో ఒక మధ్యతరగతి కుటుంబం 3BHK ఫ్లాట్ కొనుగోలు చేయడంలో పడ్డ వేదన, ఆర్ధిక ఇబ్బందులు హృద్యంగా చూపించారు. సిద్దార్ధ స్కూల్ సీన్స్ ని వేగంగా చూపించినప్పటికీ ఫ్యామిలీ సీన్స్ సహజత్వానికి దగ్గరగా అనిపిస్తాయి.

ప్రీ ఇంటర్వెల్ ఎపిసోడ్ తో మంచి ఆసక్తిని ఏర్పరిచే ఈ మూవీ ఫస్ట్ హాఫ్ బాగానే సాగుతుంది. ఇక సెకండ్ హాఫ్ లో వారి కుటుంబం పడే బాధలు, ముఖ్యంగా శరత్ కుమార్ పాత్ర తన ఆర్ధిక గమ్యాన్ని చేరుకునేందుకు పడ్డ వేదన మనల్ని కదిలిస్తాయి.

అలానే సిద్దార్ధ జాబ్ కోసం పడే తపన అక్కడి సమస్యలు సహజంగా ఆకట్టుకునే రీతిన తీశారు. క్లైమాక్స్ కి చేరుకునే కీలక సన్నివేశాలు బాగున్నాయి. అయితే మీత రఘునాథ్ పెళ్ళికి సంబందించిన సీన్స్ మరింత బలంగా రాసుకుని ఉండాల్సింది. 

ప్లస్ పాయింట్స్ :

• నటీనటుల పెర్ఫార్మన్స్
• సహజ భావోద్వేగాలు
• గుర్తించదగిన పాత్రలు / సన్నివేశాలు  

మైనస్ పాయింట్స్ :

• రొటీన్ సన్నివేశాలు
• కొన్ని సీన్స్ లో విసుగుగా అనిపిస్తాయి

తీర్పు : 

మొత్తంగా సిద్దార్థ, శరత్ కుమార్, దేవయాని ప్రధాన పాత్రల్లో శ్రీగణేష్ తీసిన ఫ్యామిలీ యాక్షన్ ఎమోషనల్ డ్రామా మూవీ 3BHK ఒక నిజాయితీతో సాగె మూవీ అని చెప్పవచ్చు. అయితే చాలా వరకు సీన్స్ రొటీన్ గా కథనం సాగతీతగా అనిపిస్తుంది. అయితే ఆర్టిస్టుల నటన, ఎమోషనల్ సీన్స్ మనల్ని అలరిస్తాయి.

సినిమా పేరు: తమ్ముడు

రేటింగ్: 2 / 5

తారాగణం: నితిన్, స్వసిక విజయ్, సప్తమి గౌడ, వర్ష బొల్లమ్మ, లయ

దర్శకుడు: వేణు శ్రీరామ్

నిర్మాతలు: రాజు – శిరీష్

విడుదల తేదీ: 27 జూన్ 2025

యువ నటుడు నితిన్ హీరోగా దిల్ రాజు నిర్మాణంలో వేణు శ్రీరామ్ తెరకెక్కించిన లేటెస్ట్ యాక్షన్ ఎమోషనల్ ఎంటర్టైనర్ మూవీ తమ్ముడు. ఈ మూవీ ద్వారా నటి లయ చాలా ఏళ్ళ విరామం అనంతరం మళ్ళి టాలీవుడ్ కి నటిగా రీ ఎంట్రీ ఇస్తున్నారు. అజనీష్ లోకనాథ్ సంగీతం అందించిన తమ్ముడు మూవీ ట్రైలర్ తో బాగానే ఆసక్తిని రేకెత్తించింది. మరి నేడు మంచి అంచనాలతో రిలీజ్ అయిన ఈ మూవీ ఎంతమేర ఆడియన్స్ ని ఆకట్టుకుంది అనేది పూర్తి రివ్యూలో చూద్దాం. 

కథ :

ఇది అక్కడ, తమ్ముళ్ల మధ్య సాగే ఎమోషనల్ జర్నీ. ముందుగా జై (నితిన్), తన అక్క లయ కోసం వెతుకులాట ప్రారంభిస్తాడు, అయితే ఆ ప్రయాణంలో అతడు ఎన్నో సవాళ్లు ఎదుర్కోవాల్సి వస్తుంది, మధ్యలో చావు వరకు అతడు వెళ్లాల్సిన పరిస్థితులు కూడా తలెత్తుతాయి. మొత్తంగా ఎమోషనల్ ఎంటర్టైనర్ గా రూపొందిన ఈ సినిమాలో చివరికి జై ఏవిధంగా అక్కయ్య లయ ని చేరుకున్నాడు అనేది మొత్తం తెరపై చూడాల్సిందే. 

నటీనటులు పెర్ఫార్మన్స్ : 

ఇక ఎప్పటి మాదిరిగానే హీరో నితిన్ జై గా తనపాత్ర లో ఎంతో ఒదిగిపోయి నటించారు. ముఖ్యంగా కీలక యాక్షన్, ఎమోషనల్ సీన్స్ లో అతడి యాక్టింగ్ మరింతగా ఆకట్టుకుంటుంది. ముఖ్య పాత్ర చేసిన లయ అయితే ఎంతో అలరించారు.

ఇందులో చిన్న పాత్రే అయినప్పటికీ, మొదటి నుండి ఆమె నటనతో పోలిస్తే ఈ పాత్ర మరింతగా ఆమెని నటన పరంగా ఎలివేట్ చేసిందని చెప్పాలి. ఇక ఇతర పాత్రలు చేసిన వర్ష బొల్లమ్మ, సప్తమి గౌడ, స్వశిక వంటి వారు తమ తమ పాత్రల యొక్క పరిధి మేరకు ఎంతో ఆకట్టుకునేలా పెర్ఫార్మ్ చేసారు. బాలీవుడ్ నటుడు సౌరభ్ సచ్ దేవ్ విలన్ గా తన పెర్ఫార్మన్స్ తో అలరించారు. 

విశ్లేషణ : 

ముందుగా ఈ సినిమా యొక్క ప్రారంభ సీన్స్ ని విలన్ కి సంబందించిన ఎంగేజింగ్ సీన్స్ తో అందరినీ ఆకట్టుకున్నాడు. హీరో ఎంట్రీ అనంతరం అక్క యొక్క వెతుకులాట ప్రారంభం అవుతుంది. ఇంటర్వెల్ వరకు హృద్యమైన ఎమోషనల్, యాక్షన్ నోట్ లో మూవీ సాగుతుంది.

మొత్తంగా ఐడియా బాగున్నప్పటికీ సాగే కథనం అంతగా ఆకట్టుకోదు. తన అక్కతో కలిసి హీరో ఎన్కౌంటర్ సీన్స్ మూస పద్దతిలో సాగడంతో పాటు ఏమాత్రం ఆకట్టుకోవు. రేడియో గా పని చేసే రత్న అనే పాత్ర చేసిన సప్తమి గౌడ నటన బాగున్నా పాత్ర నమ్మశక్యంగా గా అనిపించదు.

అయితే ఇంటర్వెల్ కె ఆడియన్స్ ఒకింత ఇబ్బందిగా ఫీల్ అవుతారు. అయితే సెకండ్ హాఫ్ బాగుంటుందని భావించినప్పటికీ మొత్తంగా ఒక్క రాత్రిలో సాగే సెకండ్ హాఫ్ సీన్స్ బాగున్నా అంత థ్రిల్ అయితే అందించవు. కొన్ని పాత్రలు డేంజర్ లో ఉన్నప్పటికీ ఆడియన్సు లో ఆసక్తి అనిపించదు. రిపీట్ అయ్యే యాక్షన్ సీన్స్ తో క్లైమాక్స్ కూడా ఆకట్టుకోదు. 

ప్లస్ పాయింట్స్ :

• ప్రారంభ సన్నివేశాలు
• కొన్ని యాక్షన్ సీక్వెన్స్‌లు
• అజనీష్ లోక్‌నాథ్ బ్యాక్ గ్రౌండ్ స్కోర్ 

మైనస్ పాయింట్స్ :

• ఆసక్తికరంగా లేని కథనం
• పాత మూస సన్నివేశాలు
• ఎటువంటి హై ఎమోషన్స్ లేని సీన్స్
• పునరావృతమయ్యే యాక్షన్ ఎపిసోడ్‌లు

తీర్పు : 

మొత్తంగా నితిన్ హీరోగా వేణు శ్రీరామ్ తీసిన యాక్షన్ ఎమోషనల్ ఎంటర్టైనర్ తమ్ముడు మూవీ తన సక్సెస్ టార్గెట్ ని అందుకోలేకపోయింది. అక్కడక్కడ కొన్ని ఇంట్రెస్టింగ్ సీన్స్ ఉన్నప్పటికీ మొత్తంగా కథనం అయితే ఆకట్టుకోదు, ఆడియన్స్ కి పెద్దగా ఆసక్తిని అందించదు.

పవర్ స్టార్ పవన్ కళ్యాణ్ హీరోగా సుజిత్ దర్శకత్వంలో తెరకెక్కుతున్న తాజా సినిమా ఓజి. ఇప్పటికే పలుమార్లు వాయిదా పడ్డ ఈ సినిమా రానున్న దసరా పండుగ సందర్భంగా సెప్టెంబర్ 25న గ్రాండ్ గా పలు భాషలు ఆడియన్స్ ముందుకు వచ్చేందుకు సిద్ధమైన విషయం తెలిసిందే.

మరోవైపు మెగాస్టార్ చిరంజీవి హీరోగా వశిష్ట దర్శకత్వంలో యువి క్రియేషన్స్ సంస్థ నిర్మిస్తున్న సోషియో ఫాంటసీ యాక్షన్ ఎంటర్టైనర్ సినిమా విశ్వంభర. త్రిష హీరోయిన్ గా నటిస్తున్న ఈ సినిమాకి కీరవాణి సంగీతం అందిస్తున్నారు.

ఈ సినిమా కూడా పలుమార్లు వాయిదా పడి త్వరలో రిలీజ్ కి సిద్ధమవుతోంది అంటూ ఇటీవల వార్తలు వచ్చాయి. ఇక లేటెస్ట్ టాలీవుడ్ బజ్ ప్రకారం దీనిని సెప్టెంబర్ 25న రిలీజ్ చేసేందుకు టీమ్ సన్నాహాలు చేస్తోందట. 

విఎఫ్ఎక్స్ వర్క్ లేట్ కారణంగా ఈ సినిమాని వాయిదా వేస్తూ వచ్చారని సెప్టెంబర్ 25న ఇది పక్కాగా రిలీజ్ అవుతుందని చెప్తున్నారు. అయితే తమ సినిమా రిలీజ్ వాయిదా లేదంటూ ఓజి టీమ్ తాజాగా సోషల్ మీడియా అకౌంట్స్ ద్వారా పోస్ట్ చేస్తూ తెలిపింది. మొత్తంగా దీనిని బట్టి రానున్న దసరాకు అటు ఓజి ఇటు అఖండ 2 మధ్య బాక్సాఫిస్ పోరు తప్పేలా కనపడడం లేదు.

తెలుగు సినిమా పరిశ్రమలో మొదటి నుంచి నైజాంలో తమ సినిమాల యొక్క డిస్ట్రిబ్యూషన్ కు సంబంధించి సితార ఎంటర్టైన్మెంట్స్ వారు ఎక్కువగా శ్రీ వెంకటేశ్వర క్రియేషన్స్ అనగా దిల్ రాజు సంస్థతోనే టై అప్ అవుతుంటారు.

అయితే ప్రస్తుతం వార్ 2 నైజం రైట్స్ పరిస్థితి చూస్తే అవి ఆల్మోస్ట్ మైత్రి మూవీ మేకర్స్ కు దక్కేటువంటి అవకాశం కనబడుతోంది. వాస్తవానికి మొదటి నుంచి అటు సితార ఇటు ఎస్ వి సి సంస్థలకు మధ్య మంచి సఖ్యత ఉంది.

ఇక ఇటీవల సంక్రాంతికి రిలీజ్ అయిన సంక్రాంతికి వస్తున్నాం, గేమ్ చేంజర్ సినిమాలు తో పాటు సితార వారి డాకు మహారాజ్ కూడా రిలీజ్ అయినప్పటికీ ఇద్దరి మధ్య మంచి అనుబంధంతో నైజాంలో థియేటర్స్ యొక్క డిస్ట్రిబ్యూషన్ లో ఎటువంటి సమస్యలు రాలేదు.

అయితే ఇప్పుడు వార్ 2 నైజాం రైట్స్ ఆల్మోస్ట్ మైత్రి వారికి దక్కే అవకాశం కనపడుతుండడంతో పరిస్థితులు అయితే మారేటువంటి పరిస్థితి కనపడుతుంది. ఒకవేళ ఫైనల్ గా వార్ 2 నైజాం రైట్స్ మైత్రి వారికి గనుక దక్కితే ఒకింత సితార, ఎస్విసి సంస్థల మధ్య బిజినెస్ లెక్కలు మారేటువంటి అవకాశం కనబడుతోంది. అది ఒకరకంగా దిల్ రాజుకి ఎదురు దెబ్బనే అని చెప్తున్నాయి సినీ వర్గాలు.