సినిమా పేరు: జూనియర్

రేటింగ్: 2.25 / 5

తారాగణం: కిరీటి రెడ్డి, శ్రీలీల, జెనీలియా, రవిచంద్రన్, సుధార్ణై, అచ్యుత్ కుమార్, రావు రమేష్, మరియు ఇతరులు

దర్శకుడు: రాధాకృష్ణా రెడ్డి

నిర్మాత: రజనీ కొర్రపాటి

విడుదల తేదీ: 18 జూలై 2025

యువ నటుడు కిరీటి రెడ్డి హీరోగా పరిచయం అవుతూ యువ అందాల నటి శ్రీలీల హీరోయిన్ గా రాధాకృష్ణా రెడ్డి దర్శకత్వంలో తెరకెక్కిన లేటెస్ట్ యాక్షన్ ఎమోషనల్ ఫ్యామిలీ ఎంటర్టైనర్ మూవీ జూనియర్. ఈ మూవీ నుండి ఇప్పటికే రిలీజ్ అయిన సాంగ్స్, టీజర్, ట్రైలర్ అన్ని కూడా ఆకట్టుకుని మూవీ పై బాగానే అంచనాలు ఏర్పరిచాయి. మరి నేడు గ్రాండ్ గా ఆడియన్స్ ముందుకి వచ్చిన ఈ మూవీ యొక్క రివ్యూ ఇప్పుడు చూద్దాం. 

కథ : 

ముఖ్యంగా జూనియర్ మూవీ కథలో తన తండ్రి యొక్క హృద్యమైన ప్రేమకథ విని ఎంతో అసౌకర్యంగా ఫీల్ అయ్యే యువకుడు అభి (కిరీటి) అనంతరం ఆయన ప్రేమ యొక్క గొప్పతనాన్ని తెలుసుకోవడంతో పాటు తన బాస్ తో జరిగే వివాదాలు ఏవిధంగా ఎదుర్కొని ముందుకు సాగాడు అనే పంథాలో కథ, కథనాలు సాగుతాయి. 

నటీనటుల పెర్ఫార్మన్స్ : 

ముఖ్యంగా ఈ మూవీ ద్వారా హీరోగా వెండితెరకు పరిచయం అయిన యువకుడు కిరీటి ఫస్ట్ మూవీ అయినప్పటికీ కూడా తన ఆకట్టుకునే నటన డ్యాన్స్ తో అందరినీ అలరించాడు. అయితే సెకండ్ హాఫ్ లో వచ్చే ఎమోషనల్ సీన్స్ లో అతడి పెర్ఫార్మన్స్ మరింతగా హృద్యంగా ఉంటే బాగుండేదనిపిస్తుంది.

హీరోయిన్ శ్రీలీల పాత్ర చిన్నదే. అక్కడక్కడా అలా వచ్చి ఇలా వెళ్తున్నట్లు అనిపిస్తుంది. వైరల్ వయ్యారి సాంగ్ లో కిరీటి, శ్రీలీల డ్యాన్స్ సూపర్ గా ఉంది. నటుడు రవిచంద్రన్ ది అంత డీప్ గా సాగె పాత్ర కానప్పటికీ తన పాత్ర యొక్క పరిధి మేరకు ఆయన చక్కగా పెర్ఫార్మ్ చేసాడు.

ఇక మరొక ముఖ్య పాత్ర చేసిన జెనీలియా పాత్రలో లాజికల్ అపీల్ కనిపించదు. ఇక రావు రమేష్, అచ్యుతరావు పాత్రలు కూడా సగం సగంగానే సాగినట్లు అనిపిస్తుంది. కమెడియన్స్ సత్య, వైవా హర్ష కొంత నవ్వులు పండించారు. 

విశ్లేషణ : 

దర్శకుడు రాధాకృష్ణా రెడ్డి ప్రారంభ సన్నివేశాలు బాగానే చిత్రీకరించాడు. సహజ సిద్ధంగా సాగె తండ్రి పాత్ర మొదటి నుండి బాగానే ఆకట్టుకుంటుంది. అనంతరం హీరో కాలేజీలో చేరడం, ఇంట్రో సాంగ్ రావడంతో సినిమా సాగుతుంది.

ఇక అక్కడి నుండి ఇంటర్వెల్ ఎపిసోడ్ వరకు సినిమా సాదాసీదాగా మాత్రమే సాగుతుంది. అయితే హీరో తన జ్ఞాపకాలని గుర్తు చేసుకునే సీన్స్ గత చిత్రాల్లో చూసినవి మాదిరిగానే అనిపిస్తాయి. అయితే చాలావరకు ఇటువంటి సీన్స్ తోనే దర్శకుడు సినిమా ఫస్ట్ హాఫ్ ని నడిపాడు.

అయితే మంచి ఎమోషనల్ నోట్ లో సాగె సెకండ్ హాఫ్ మెల్లగా ఫస్ట్ హాఫ్ తో పోలిస్తే ఆకట్టుకునే రీతిన సాగుతుంది. అక్కడి నుండి తండ్రి యొక్క ప్రేమకథని కొద్దికొద్దిగా అర్ధం చేసుకుని ముందుకు సాగె సీన్స్ ఇంట్రెస్టింగ్ గా ఉంటాయి. అయితే జెనీలియా కాంబో సీన్స్ అంత ప్రభావం చూపవు.

అలానే అన్ని సినిమాల మాదిరిగా రొటీన్ గా సాగె విలన్ సీన్స్ కథ పై ఆడియన్స్ కి ఎటువంటి కొత్తదనాన్ని అందించవు. అనంతరం ఒక వికారపు ఫన్నీ సీన్ తో గ్రామం లోకి శ్రీలీలని తీసురావడం, అనంతరం వైరల్ వయ్యారి సాంగ్ వస్తుంది. అయితే క్లైమాక్స్ లో తండ్రి తో ఉన్న ఎమోషనల్ సెంటిమెంట్ సీన్స్ బాగున్నప్పటికీ వాటిని ఇంకా హృద్యంగా రాసుకుంటే బాగుండేదనిపిస్తుంది. 

ప్లస్ పాయింట్స్ : 

• ప్రారంభ సన్నివేశాలు
• రవిచంద్రన్ పాత్ర మరియు అభినయం
• కొన్ని సెంటిమెంట్ సన్నివేశాలు 

మైనస్ పాయింట్స్ :

• బోరింగ్ కథనం
• మొదటి భాగంలో ఆకట్టుకోని సీన్స్
• సరైన భావోద్వేగాలు లేకపోవడం
• గత సినిమాల్లో సీన్స్ రిపీట్

తీర్పు : 

మొత్తంగా యువ నటుడు కిరీటి రెడ్డి హీరోగా శ్రీలీల హీరోయిన్ గా యువ దర్శకుడు రాధాకృష్ణా రెడ్డి దర్శకత్వంలో తెరకెక్కిన జూనియర్ మూవీ చాలా వరకుఆ ఆకట్టుకోని రీతిన కథ కథనాలతో సాగుతుంది. అయితే హీరో కిరీటితో పాటు నటుడు రవిచంద్రన్ సీన్స్ మధ్య కొన్ని సీన్స్ తో పాటు వారిద్దరి యాక్టింగ్ బాగుంది.

ప్రస్తుతం లోకేష్ కనకరాజ్ దర్శకత్వంలో సూపర్ స్టార్ రజనీకాంత్ చేస్తున్న మాస్ గ్యాంగ్ స్టార్ యాక్షన్ సినిమా కూలీ. ఈ సినిమాలో శృతిహాసన్, ఉపేంద్ర, నాగార్జున, అమీర్ ఖాన్ తదితరులు కీలకపాత్రలు పోషిస్తుండగా సన్ పిక్చర్స్ బ్యానర్ పై కళానిధి మారన్ ఈ మూవీని ప్రతిష్టాత్మకంగా భారీ వ్యయంతో నిర్మిస్తున్నారు.

ఈ సినిమా ఆగస్టు 14న గ్రాండ్ లెవెల్లో అత్యధిక థియేటర్స్ లో ఆడియన్స్ ముందుకు రానుంది. మరోవైపు దీనితో పాటు నెల్సన్ దిలీప్ కుమార్ దర్శకత్వంలో జైలర్ 2 సినిమా కూడా చేస్తున్నారు రజనీకాంత్. ఈ సినిమా కూడా గ్రాండ్ గా భారీ స్థాయిలో రూపొందుతుంది. అయితే తాజాగా రజనీకాంత్ తో సినిమా చేసేందుకు మరొక యంగ్ డైరెక్టర్ రెడీ అయ్యారు.

ఆయన మరెవరో కాదు ఇటీవల విజయసేతుపతి ప్రధాన పాత్రలో తెరకెక్కిన యాక్షన్ ఎమోషనల్ ఎంటర్టైనర్ సినిమా మహారాజా దర్శకుడు నితిలన్. ఆ సినిమా దర్శకుడైన నితిలన్ తాజాగా రజనీకాంత్ కి ఒక అద్భుతమైన స్టోరీ లైన్ వినిపించగా అది ఆయనకు ఎంతో నచ్చిందని, అయితే పూర్తి స్క్రిప్ట్ పూర్తి చేసిన అనంతరం తామిద్దరం కలిసి సినిమా చేద్దామని రజిని గ్రీన్ సిగ్నల్ ఇచ్చినట్టు చెప్తున్నారు. 

అన్ని అనుకున్నట్టు జరిగితే త్వరలో వీరిద్దరి క్రేజీ కాంబినేషన్ మూవీకి సంబంధించిన అఫీషియల్ అనౌన్స్మెంట్ వచ్చే అవకాశం ఉందని టాక్. ఇక రజనీకాంత్ ఈ సినిమాలో ఒక విభిన్నమైన పాత్రలో కనిపించనున్నారని ఇది కూడా ఆకట్టుకునే యాక్షన్ ఎంటర్టైనర్ గా రూపొందునుందని సమాచారం.

పవర్ స్టార్ పవన్ కళ్యాణ్ హీరోగా తాజాగా తెరకెక్కుతున్న హిస్టారికల్ యాక్షన్ పాన్ ఇండియన్ సినిమా హరిహర వీరమల్లు. అందాల నటి నిధి అగర్వాల్ హీరోయిన్ గా నటిస్తున్న ఈ సినిమాలో సుబ్బరాజు, బాబీ డియోల్, నర్గీస్ ఫక్రి, నోరా ఫతేహి, అనసూయ భరద్వాజ్, పూజిత పొన్నాడ తదితరులు కీలకపాత్రలు చేస్తున్నారు.

కీరవాణి సంగీతం అందిస్తున్న ఈ సినిమాని మెగా సూర్య ప్రొడక్షన్స్ బ్యానర్ పై ఏ ఎం రత్నం నిర్మిస్తున్నారు. క్రిష్ జాగర్లమూడి, జ్యోతికృష్ణ కలిసి దీనిని తెరకెక్కిస్తున్నారు. ఇప్పటికే అందరిలో మంచి అంచనాలు ఏర్పరచిన హరిహర వీరమల్లు సినిమా జులై 24న గ్రాండ్ లెవెల్ లో పలు భాషల ఆడియన్సు ముందుకి రానుంది.

అయితే విషయం ఏమిటంటే ఈ సినిమా యొక్క ఫ్రీ రిలీజ్ ఈవెంట్ ని ఈనెల 20వ తేదీన హైదరాబాద్ లోని శిల్పకళా వేదికలో గ్రాండ్ గా భారీ స్థాయిలో నిర్వహించేందుకు టీమ్ అయితే సన్నాహాలు చేస్తోంది. అందుకు సంబంధించి ఇప్పటికే ఒక అనౌన్స్ మెంట్ కూడా హరిహర వీరమళ్లు టీం అందించింది.

పలువురు సినీ, రాజకీయ ప్రముఖులు ఈ ఈవెంట్ కి ప్రత్యేకంగా హాజరు కానున్నట్లు టాక్. మరి పవన్ కళ్యాణ్ ఫ్యాన్స్ ఎంతో ఆసక్తికరంగా ఎదురుచూస్తున్న హరిహర వీరమల్లు రిలీజ్ అనంతరం ఎంత మేర అందర్నీ ఆకట్టుకుని ఏ స్థాయిలో విజయం అందుకుంటుందో చూడాలి.

నటసింహం నందమూరి బాలకృష్ణ హీరోగా తాజాగా మాస్ యాక్షన్ సినిమాల దర్శకుడు బోయపాటి శ్రీను దర్శకత్వంలో తెరకెక్కుతున్న పాన్ ఇండియన్ సినిమా అఖండ 2. ఇటీవల రిలీజ్ అయి బాక్సాఫీస్ వద్ద సెన్సేషన్ సృష్టించిన అఖండ సినిమాకి ఇది సీక్వెల్ గా రూపొందుతున్న విషయం తెలిసిందే.

ఎస్ తమన్ సంగీతం అందిస్తున్న ఈ సినిమాని 14 రీల్స్ ప్లస్ సంస్థ పై గోపి ఆచంట, రామచంట ప్రతిష్టాత్మకంగా నిర్మిస్తున్నారు. సంయుక్తా మీనన్ హీరోయిన్ గా నటిస్తున్న ఈ సినిమాపై అందరిలో కూడా భారీ స్థాయి అంచనాలు ఉన్నాయి. కాగా భారీ స్థాయిలో రూపొందుతున్న అఖండ 2 సినిమా ప్రస్తుతం వేగంగా షూటింగ్ అయితే జరుపుకుంటుంది.

కాగా విషయం ఏమిటంటే వాస్తవానికి ఈ సినిమాని దసరా పండుగ కానుకగా సెప్టెంబర్ 25న విడుదల చేయాలని టీమ్ భావించింది కానీ ప్రస్తుతం ఈ సినిమాకి సంబంధించి విజువల్ ఎఫెక్ట్స్ వర్క్ కొంత లేట్ అవుతుందని అందుకే సినిమాని మరికొన్నాళ్లు వాయిదేసి ఈ ఏడాది క్రిస్మస్ కానుకగా రిలీజ్ చేసేందుకు టీమ్ సన్నాహాలు చేస్తోందని టాలీవుడ్ టాక్.

అయితే దీనికి సంబంధించి అఖండ 2 నుంచి కన్ఫర్మేషన్ మాత్రం రావాల్సి ఉంది. ఓవరాల్ గా ఈ సినిమా ఎప్పుడు రిలీజ్ అవుతుందో పక్కాగా తెలియాలంటే మరికొద్ది రోజుల వరకు వెయిట్ చేయాలి. మరి అఖండ 2 తో బాలకృష్ణ, బోయపాటి ఎంతమేర సక్సెస్ అందుకుంటారో చూడాలి.