అన్స్టాపబుల్ విత్ ఎన్బికే రెండవ సీజన్లో అత్యంత హైప్ చేయబడిన ఎపిసోడ్ ప్రభాస్ అతిథిగా వచ్చిన ఎపిసోడ్ యే. టాలీవుడ్ స్టార్ నందమూరి బాలకృష్ణ హోస్ట్ చేస్తున్న ఈ షో తాజా ఎపిసోడ్లో ప్రభాస్ విచ్చేశారు. టీజర్లు, ప్రోమోలు ప్రభాస్ అభిమానులను ఎంతగానో ఆకట్టుకున్నాయి. గతంలో మరే ఇతర ఎపిసోడ్లు ఈ షోకి ఇంత క్రేజ్ని సృష్టించలేదని చెప్పాలి.
ప్రోమోలో ప్రభాస్ యొక్క చాలా సరదా క్షణాలు ఉండగా, ఎపిసోడ్ యొక్క మొదటి భాగం ప్రభాస్ యొక్క రొమాన్స్ జీవితం గురించిన చర్చలతో ఎక్కువగా నిండింది. బాలకృష్ణ ఈ సందర్భంగా హీరోయిన్లతో రూమర్ల గురించి ప్రభాస్ ను అడిగారు.
బాలీవుడ్ స్టార్ వరుణ్ ధావన్ ప్రారంభించిన రూమర్ని బాలకృష్ణ ప్రస్తావించారు. భేదియా ప్రమోషన్ సమయంలో, కృతి ఒక నటుడితో ప్రేమలో ఉందని వరుణ్ పేర్కొన్నారు. అతను ముంబైలో లేడు కానీ దీపికా పదుకొనేతో వేరే చోట షూటింగ్ చేస్తున్నాడని ఆ సమయంలో వరుణ్ ధావన్ అన్నారు.
ఆ సమయంలో, దీపిక హైదరాబాద్లో ప్రభాస్తో కలిసి వారి రాబోయే సైన్స్-ఫిక్షన్ చిత్రం ప్రాజెక్ట్ K షూటింగ్లో ఉండటం జరిగింది. అయితే ఈ ప్రశ్నకి “ఇది పాత వార్త సార్. అలాంటిదేమీ లేదని ‘మేడమ్’ నుంచి క్లారిటీ కూడా వచ్చింది’’ అని బాలకృష్ణతో ప్రభాస్ చెప్పారు.
ప్రభాస్ నోటితో ఆ ‘మేడమ్’ ఎవరో చెప్పించేలా బాలకృష్ణ తన శాయశక్తులా ప్రయత్నించారు. కొంతకాలం పాటు బాలకృష్ణ పదే పదే బలవంతం చేసిన తర్వాత, “కృతి సనన్” అని ప్రభాస్ బదులిచ్చారు.
ఇక ప్రభాస్ ఇచ్చిన వివరణతో అయినా ప్రభాస్, కృతి సనన్లకు సంబంధించిన రూమర్స్కు తెరపడుతుందేమో చూడాలి.
ఇక బాలకృష్ణ ప్రభాస్ను ఎప్పుడు పెళ్లి చేసుకోబోతున్నావు అని కూడా అడిగారు. ఖచ్చితంగా ఏదో ఒక రోజు పెళ్లి చేసుకోవాలని అనుకుంటున్నానని, అయితే ఆ రోజు ఎప్పుడు వస్తుందో తనకు తెలియదని ప్రభాస్ అందుకు బదులిచ్చారు. “ఐడియా లేదు సార్. నాకు ఇంకా తెలియదు. నేను ఖచ్చితంగా పెళ్లి చేసుకుంటాను, కానీ అది నా విధిలో ఇంకా రాసిపెట్టలేదు, ”అని ప్రభాస్ అన్నారు.
